جيت من موطن غريب وعشت في موطن غريب=بين ذاك وبين هذا فرق شاسع لا تشابه
كنت في الماضي وحيد لا صديق ولا قريب=واعتقد اني سعيد.. كيف مدري.. لا غرابه
يمكن اني بالوجود لاوجود ولا حسيب=لا سؤال ولا جواب.. شي غايب ما اندرابه
ما نعرفت ولا عرفت ولا احب ولا حبيب=قلت بالاول غريب ويومنا هذا غرابه
ضاقت الدنيا علي واصبح العالم قليب=امتزج فكر الحضاره وانتسى فكر الصحابه
خضت نوع من المعارك بين ذيب وبين ذيب=غابتن فيها اوادم بس بوصوف الذيابه
قالو العالم حذاري.. قلت.. وش باقي واجيب=قالو الغالب قوي.. واثبت اوجوده ..نهابه
والضعيف ايعيش عبد ولا يطالب بالنصيب=او يموت من القهر.. وان بقى يسكن ..خرابه
قلت والعالم افلاني قالو انسى يا أديب=نحترم من كان عنده كم دراهم في حسابه
شيخنا شيخ الدراهم.. لا تفاوض يالحبيب=لا يهم منين منهو تاجر(ن) يامرحبابه
آآه يالوقت الغريب آآآه يالعلم المريب=آآه ياشي(ن) اشوفه واسمعه والا انحكابه

كامل العنزي

المصدر: منتديات المدينة البيضاء

فــــــــ تبوك ـــــارس
قصيدتك قلادة ذهبية في عنق الشعر
سلمت أناقتك الشعرية وسلمت ياشاعرنا الفريد
ولروحك اجلال
ريانة العووود