هذه المحاورة بين الشاعر وشاعر ليس من جنسه إنه الفقر قال الشاعر

يالفقر بالله روح مالك ومالي=حالي قضت لاتسير أنت السبب فيها
ول وانا جاهلاً مقدر على حالي =واليوم نفسي بعيدات هقاويها
قال الفقر
والله مافارقك يالصاحب ****** =ياكود مولاك سيتنا يعديها
لاسير لك عند كل الناس مرسالي =حتى الاجاويد ماخليك تقريها
قال الشاعر
أكيد بتحبني والحب غربالي =لكن طالب من المولى يسويها
اهوتك ياصديق الذل بالمالي =واعز نفسي عنك يالطرس واغنيها
قال الفقر
والله مالي صديق بوقتنا التالي =أصحابي الاولين البنك معطيها

الا انت من دونهم دايم على بالي =لنته موظف ولا فيه أرض تبنيها
قال الشاعر
صحيح والله فقير ولاأملك ريالي =ويوم اشتغل تاخذ فلوسي وتغديها
رحم شبابي دخيلك وانظر لحالي =حتى الرجاجيل فاتتني معانيها
قال الفقر
ماني مخليك لونك رحت جمالي=تجلب فحم والمعيشه فيه تشريها
على طول الايام غير أسقيك فنجالي =حتى تقلي الدراهم وش تبي فيها
قال الشاعر
وادي اتجوز واعقب مال لعيالي =لامت عنها يتامى من يعشيها
ياشف بالي على ديوان ودلالي =وفلت نشامى تسليني واسليها
قال الفقر
من هي عشيترتك يوم التالي التالي =أما سمحنا بها والا تخليها
علمني بحرف لايمحا ولايزالي =حتى نقرر على أولها وتاليها
قال الشاعر
قلت الحقيقه كلام الحق ينقالي =ماتخلف الكلمه لياقال واليها
أما أسمها خمسة أحرف مابها دالي =يالله عسى ديار هل الغيث يسقيها
قال الفقر
خلاص باسيبك للعالي الوالي =جد واجتهد بلكي ربك لك يهييها
مادام هذي ظروفك طاوي عزالي =مانعترض للعرب من دون عانيها
قال الشاعر
روح ولاتلتفت لاتخاف من جالي =أيام تبعدك يامحسن لياليها
فراقكم عيد تصلح فيه الامثالي =من قلب فاطن لها يوم أني أغنيها

المصدر: منتديات المدينة البيضاء

المشاركة الأصلية كتبت بواسطة ريانة العووود [عزيزي الزائر يتوجب عليك التسجيل للمشاهدة الرابطللتسجيل اضغط هنا] فارس الشمال جزالة وشاعرية جليلة سلمت على النقل وسلم نبضك ريانة العووود

المشاركة الأصلية كتبت بواسطة شمس المحبه [عزيزي الزائر يتوجب عليك التسجيل للمشاهدة الرابطللتسجيل اضغط هنا] محاوره جميله جدا يعطيك العافيه تحياتي

المشاركة الأصلية كتبت بواسطة بكيفي هلالي [عزيزي الزائر يتوجب عليك التسجيل للمشاهدة الرابطللتسجيل اضغط هنا] يعطيك العافيه فارس الشمال لك كل الشكر

فارس الشمال


محاوره جميله اتقن الشاعر الحوار بين الطرفين



دمت لنا