ياراكب عشر يزوزن بعشرين=قب العضود منقحات الجدودي
مثل الادام بالتواصيف والزين=ماكادهن هل الترج والسنودي
يلفن ابو تركي عدو العدوين=سلطان بر وباللوازم سدودي
نسمع بحكمه كان واحنا بعيدين=واليوم حكمه كل مابه يزودي
ماكان حنا قبل حكمه مطيعين=واليوم طبعنا طباع القعودي
خلا صماصيم القبائل مساكين=لماتطمن كل قرمن عنودي
واللي جهل خلاه يمشي على الدين=لابأس ياعبدالعزيز السعودي
طير تعلا على روس الشياهين=واللي يغيضه خلا ريشه بدودي
وين الشريف اللي جروده ملايين=وين الدويش وين ذيك البدودي
الله يعينه علي النصارى الخبيثين=ويقدره علي بايقين العهودي
حضه كبير وله خداديم ذريبين=كم طلقوا من زابرات النهودي
شدادة البيرق علي القيف صلفين=ياويل من صبوا عليه الجرودي
من قوم حامد راح ميه وستين=والرأس يقطع يوم ماله عضودي
لعبو براسه في بطون الدكاكين=وغزوه بالديره علي راس عودي
وتالي قومه مايجون الثلاثين=هجوا مع الضلعان مثل القرودي
واسبابهم ياما ايتموا من ضعافين=لعل يوم جابهم مايعودي
لو طاوعوا محمود ماجوا مغيرين=حتي الحديه علي لحمهم تحودي
قال انكسوا لا تذهبوا يالخريبين=لاتحسبوا النضاح مثل العدودي
ارعى الحجر ماسطي بلاطين=والضو مايلع بليا وقودي
هذا كلامي علم ماهو تخامين=علمن صحيح والعوالم شهودي

المصدر: منتديات المدينة البيضاء